ياحما مآ على غصن المحبه ينوح
منه حسيت قلبي من المعاليق طاح
ياحبيبي تراني في وصالك طموح
واتمنى لك التوفيق وي النجاح
عام ماقلت لي طيب ولاقلت روح
ونا منك انتظر حتى هبوب الرياح
الجروح اتعبتني ياطبيب الجروح
الهواء والمحبه كل ابوها جراح
فوق قلبي توالت مير عيت تزوح
والله ان المحبه مثل سم(ن) ذحاح
يادعج العين يابو خد برقآ يلوح
كل مادرت وجهك قلت ذا برق لاح
الحذر ياوليفي سرنا لايبوح
ماتفيد المحبه بعد ماالسر باح
خابرك في صفاتك ياوليفي سموح
بس انا منك ماحصلت يوم(ن)سماح
انتظر واليالي مقبله بالفروح
وارجع انظم قصيدي باليال الملاح
ماعتقد يوم تظهرلي بوجهآ شحوح
بعدماشفت وجهك مثل نور الصباح
زهرة الياسمين لمن عشقها تفوح
ريحها عشق للمعشوق بالود فاح
والله اني لك ابقى طول عمري نصوح
بين الاحباب تلقى في النصوح انشراح
والقصيده تراهي كل ابوها مزوح
خوفي انك تضايق من كلام المزاح

Naturaleza »  Medio Ambiente  Evolución  Plantas  Bosque  Hielo  la Tierra  Mares & Océanos  Tiempo  Catástrofes Naturales  Descubrimientos  Protección de la Naturaleza  Microbiología  Prehistórico  Humano  Genética

jasmin